Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
06.08.2020, 16:02

Казанның Изге Рух иңү гыйбадәтханәсе уку-укыту курсларына тыңлаучылар җыюны игълан итә


(Казан шәһәре KZN.RU, 6-нчы август). Казанның Изге Рух иңү гыйбадәтханәсе 2020/2021 уку елына белем бирү курсларына тыңлаучылар җыю хакында игълан итә. Курсларга православие дине белән тулырак танышырга теләүче затларны чакыралар.

Гыйбадәтханәдә белем бирү курслары 2016 елдан бирле уздырыла. Тыңлаучылар Изге Китапны, Рус православие чиркәвенең һәм Казан епархиясенең тарихын, чиркәү славян телен, сөйләм культурасын, катехизисны, чиркәү сәнгатен өйрәнәләр һәм Рус православие чиркәвенең социаль концепциясе нигезләре белән танышалар.

Барлык дисциплиналарны семинар яки профильле белеме булган тәҗрибәле педагоглар укытачак. Укулар чукындыруга әзерләнүчеләргә дә файдалы: курсларда алган белемнәр игълан итү әңгәмәләренә альтернатива булырга мөмкин.

Уку вакыты - 2 ел, укыту формасы - көндезге. Укулар кичке вакытта (18.00 сәгатьтә беренче дәрес һәм 19.10 сәгатьтә икенче дәрес) дүшәмбе һәм пәнҗешәмбе көннәрендә Изге Рух иңү гыйбадәтханәсенең беренче катында лекция аудиториясендә уза.

Гаризалар 31-нче августка кадәр чиркәү кибетендә 8.00 сәгатьтән 18.00 сәгатькә кадәр кабул ителә. Теләүчеләр, сылтама буенча күчеп, электрон рәвештә гариза бирә ала.

31-нче август 16.00 сәгатьтә Изге Рух иңү гыйбадәтханәсендә монастырь башлыгы, протоиерей Алексий Чубаков белән әңгәмәләр һәм укытучылар белән танышулар узачак. Курсларга кабул ителү турындагы карар әңгәмә нәтиҗәләре буенча кабул ителәчәк. I курс тыңлаучыларының дәресләре 3-нче сентябрьдә, II курс тыңлаучыларының - 4-нче сентябрьдә башлана, дип хәбәр итә Казан епархиясе матбугат хезмәте.

Барлык яңалыклар