Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
11.06.2020, 13:00

Елена Иванова, Киров районы социаль хезмәткәре: «Минем 12 тәрбияләнүчем бар, шуларның иң өлкәненә - 97 яшь»

8-нче июньдә Россиянең социаль хезмәткәрләре һөнәри бәйрәмнәрен билгеләп үтте.


(Казан шәһәре KZN.RU, 11-нче июнь). 8-нче июньдә Россиянең социаль хезмәткәрләре үзләренең һөнәри бәйрәмнәрен билгеләп үттеләр. Аларның күбесе өчен - кешеләргә ярдәм итү хезмәт бурычы гына түгел, ә игелекле гамәлләр кылу ихтыяҗы да. Бүген медицина хезмәткәрләре һәм социаль өлкә белгечләре пандемия белән алдынгы көрәштә тора һәм еш кына мохтаҗларга ярдәмгә беренче булып килүче чын геройлар булып торалар. Казанның Киров районы социаль хезмәткәре Елена Иванова KZN.RU порталына үз тәрбияләнүчеләре - ялгыз өлкән яшьтәге кешеләр белән эшләү үзенчәлекләре турында сөйләде. 

18 ел дәвамында Елена Иванова ялгыз өлкән кешеләргә ярдәм күрсәтә, йорт эшләрен башкарырга булыша. Үз эшчәнлеген ул декрет ялыннан соң башлаган һәм үз һөнәрен яратып өлгергән.

Социаль хезмәт күрсәтү өлкәсе хезмәткәрләре хезмәт күрсәтүләрнең гаять зур спектрын башкара, ул елдан-ел арта бара. Төп санга азык-төлек һәм дарулар сатып алу, коммуналь хезмәтләр өчен түләү, чүп-чар чыгару, өйдә җыештыру, азык әзерләү керә. Һәр минут язылган, хезмәткәр үзенең шәкертенә атнасына ике тапкыр да, көн саен да килергә мөмкин.

Елена Иванованың хәзерге вакытта 12 тәрбияләнүчесе бар, шуларның иң өлкәненә - 97 яшь. Барысына да ул җылылык һәм яхшылык белән карый, күпләр белән озак еллар дәвамында эшли. Өлкән яшьтәге кешеләр социаль хезмәткәрләрне туганнары буларак каршы алалар, тормыш тәҗрибәсе белән уртаклашалар. Ел дәвамында хәтердә күп кенә  вакыйгалар кала. «Социаль өлкәдә озак эшләгәндә, син инде кешегә ничек якын килергә, аның белән ничек сөйләшергә, аны ниндидер моментларда тынычландырырга һәм хупларга икәнен беләсең. Бу еллар һәм тәҗрибә белән килә», - дип билгеләп үтте Елена Васильевна.

Социаль хезмәт күрсәтү өлкәсендә миһербанлы һәм түземле кешеләр озак елларга тоткарлана. Кеше хәленә керә белергә һәм ярдәм итәргә, һәр кеше белән уртак тел табарга - болар барысы да өлкән кешеләр белән эшләүдә ярдәм итә. «Безнең эштә иң мөһиме - кешеләрнең рәхмәтле булуы», - диде Елена Иванова.

Республикада 200 меңнән артык татарстанлыга 10 меңгә якын белгеч социаль ярдәм күрсәтә. Социаль ярдәм чараларын барлыгы 1,5 миллионга якын кеше ала.
Барлык яңалыклар