Бу атнада Татарстанда һава +28 градуска кадәр җылыначак

Бу атнада Татарстанда һава +28 градуска кадәр җылыначак

<p> Бу атнада төнге сәгатьләрдә Татарстанда урыны белән томан көтелә. Бу көндез һәм төнлә температураның аермасы зур булуга бәйле, дип хәбәр итә республиканың Гидрометеорология үзәге. </p> <p> Иртәгә Казанда алмашынучан болытлы һава, сизелерлек явым-төшем булмаячак. Төнлә температура +13..+15 градус булачак. Көндез синоптиклар җилнең тизлеге урыны белән секундына 9 метрга кадәр җитәчәк һәм һава температурасы +25..+27 градуска кадәр җылыначак дип вәгъдә итә. </p> <p> Чәршәмбе һәм пәнҗешәмбе, 11 һәм 12 сентябрьдә, Татарстанда сизелерлек явым-төшем көтелми. Төнге температура +10..+17 градус тирәсе, көндез – +23.. +28 градуска кадәр җылы булыр дип көтелә. </p> <p> Республикада 13 һәм 14 сентябрьдә антициклональ һава торышы сакланачак. Явым-төшем ихтималы зур булмаячак. Көндез температура +20..+26 градус булачак. </p>

2024-09-09T17:26:00+0300