Киләсе атнада синоптиклар Татарстанда аз болытлы җылы һава торышы фаразлыйлар

Киләсе атнада синоптиклар Татарстанда аз болытлы җылы һава торышы фаразлыйлар

<p> Ялларда республикада уртача-җылы һава торышы фаразлана. Һаваның максималь температурасы +27 градус тәшкил итәчәк. Бу хакта ТР Гидрометүзәгендә хәбәр иттеләр. </p> <p> Иртәгә төнлә Казанда явым-төшемсез алмашынучан болытлы һава көтелә, томан булырга мөмкин. Көндез шулай ук алмашынучан болытлы һава фаразлана, урыны белән бераз яңгыр явачак. Җил – көньяктан һәм көньяк-көнбатыштан 6 – 11 м/с ка кадәр. Төнлә һаваның минималь температурасы +10..+12 градус булачак. Көндез термометр баганалары +24..+26 градуска кадәр күтәреләчәк. </p> <p> Шимбә көнне, 24 августта, Татарстанда төнлә явым-төшемсез тыныч һава көтелә. Һаваның минималь температурасы +8..+13 градус. Төнлә һәм иртән урыны белән томан булыр. Көндез көнбатыш районнарда кыска вакытлы яңгыр, яшен булырга мөмкин. Һава +22..+27  градуска кадәр җылыначак. </p> <p> Якшәмбе көнне, 25 августта, кыска вакытлы яңгырлар көтелә. Төнге сәгатьләрдә һава температурасы +8..+13 градус, көндез термометр баганалары +22..+27  градуска кадәр күтәреләчәк. </p> <p> Татарстан Республикасы Гидрометүзәге алдан фаразлаганча, киләсе атна башында республикада аз болытлы җылы һава көтелә. Явым-төшемнең ихтималы зур түгел. Көндезге сәгатьләрдә температура +25..+28 градуска якын булыр дип фаразлана, ә уртача температура 4-5 градуска нормадан артып китәчәк. </p>

2024-08-23T14:53:00+0300