Шимбә көнне Горки-Әмәт урманында чираттагы «Дуслык тәпие» хәйрия акциясе уздырыла

Шимбә көнне Горки-Әмәт урманында чираттагы «Дуслык тәпие» хәйрия акциясе уздырыла

<p> Шимбә көнне Горки-Әмәт урманында чираттагы «Дуслык тәпие» хәйрия акциясе уздырыла. Шәһәр халкы мәйданчыкта «Көчекләр патруле» приютында яши торган этләр белән танышачак. Казан халкының үзенә ошаган этне өенә алып кайту мөмкинлеге булачак. </p> <p> Чара кысаларында кинологлар лекцияләр һәм мастер-класслар үткәрәчәк, мобиль пунктларда шәһәр халкы үзләренең йорт хайваннарын теркәтә алачак. Хәйрия акциясе төрле уеннардан, бәйгеләрдән торган күңел ачу чаралары белән үрелеп барачак. </p> <p> Чара сәгать 11:00 дә этләрне йөртү мәйданчыгында башлана һәм сәгать 15:00 гә кадәр дәвам итәчәк. Акция бушлай оештырыла, приюттан эт алырга теләге булган затларга, йорт хайванын рәсмиләштерү өчен, паспорт алып килергә кирәк, дип хәбәр итә оештыручылар. </p> <p> Чара «Татарстанда җәй» проекты кысаларында үткәрелә. </p> <p> Алдарак сентябрьдә Казанның алты иҗтимагый киңлегендә этләр өчен бушлай дәресләр уздырылуы турында <a target="_blank" href="https://kzn.ru/meriya/press-tsentr/novosti/v-shesti-obshchestvennykh-prostranstvakh-stolitsy-rt-organizuyut-besplatnye-zanyatiya-dlya-sobak/">хәбәр ителгән</a> иде. Әлеге чара кысаларында шәһәр халкы этләрен бию, сикерү, борылмалы хәрәкәтләр ясау кебек төрле күнекмәләргә өйрәтә алачак. </p>

2025-09-23T10:05:28+0300