Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
22.04.2021, 14:22

Татарстан эшмәкәрләрен экотуристлар өчен глэмпинглар төзергә өйрәтәчәкләр

Казанда «Глэмпинг бизнес» курсын тыңлаучыларга республика территориясендә 10 ял урыны булдыруда ярдәм итәчәкләр.

Фото: Денис Гордийко

(Казан шәһәре KZN.RU, 22-нче апрель). 26-нчы апрельдә Казанда экотуризмны үстерү һәм Татарстанда ял итү урыннарын булдыру буенча «Глэмпинг бизнес» белем бирү акселерацион программасы старт ала. Ул эшкуарларга табигый территорияләрдә глэмпинглар белән идарә итү һәм эшләтеп җибәрү өчен кирәкле күнекмәләр алырга ярдәм итәчәк. Нәтиҗә буенча 10 катнашучының проектын гамәлгә ашыру планлаштырыла.


Глэмпинг – кемпингның бер төре, яки кунакханә номеры уңайлыгы табигатьтә ял итү мөмкинлеге белән ярашкан автотуристлар өчен чатырлы лагерь.

«Глэмпинг бизнес» программасының рәсми старты 26-нчы апрельдә ТР Милли китапханәсендә глэмпингка нигез салучылар һәм хуҗаларының чыгышлары белән булачак. Аннары, 27-нче апрельдән, iSpring онлайн-платформасында 100 катнашучы-эшмәкәр, инвесторлар, муниципаль берәмлек вәкилләре өчен ай саен укулар башланачак. Курс юридик аспектлар буенча кейсларны өйрәнү, глэмпинглар эшләтеп җибәрү, бизнес-проектлау, төзелеш, идарә итү һәм инвестицияләр җәлеп итү буенча биш модульдән тора.

2021 елда Татарстан территориясендә эшләтеп җибәрергә әзер булган 10 проект өчен акселерация программасы – эшкуарлар, маркетинг, сату яки продакт-менеджмент экспертлары белән шәхси консультацияләр сериясе, әлеге төр бизнес вәкилләре белән кейсларны тикшерү буенча төркем сессияләре үткәреләчәк. Акселераторда милектә яки аренда хокукында җир кишәрлекләре булган командалар, шулай ук проектны тормышка ашыру өчен финанс мөмкинлекләре булган командалар катнаша ала.

Акселерация программасы этабында остазлар булып чит ил туризмы, маркетинг, эшмәкәрлек өлкәсендәге экспертлар торачак. Алар һәр проектны үстерү буенча биш шәхси консультация үткәрәчәк, шуннан соң яклау һәм йомгаклау эшләре узачак.

Программа «ТР шәһәрләрен үстерү институты» фондының табигый территорияләрне һәм экотуризмны үстерү дирекциясе тарафыннан, ТР туризмны үстерү үзәге, Россия глэмпинглары ассоциациясе, «Туракселератор» белән берлектә, Яңа проектларны үстерү буенча стратегик инициативалар агентлыгы (СИА) һәм ТР Туризм буенча Дәүләт комитеты ярдәме белән оештырылды. Программада катнашу бушлай, проект сайтында теркәүлү 23-нче апрельгә кадәр уздырыла.

 

Барлык яңалыклар