Быел Казанның Совет районында 58 юл өлеше төзекләндереләчәк

Быел Казанның Совет районында 58 юл өлеше төзекләндереләчәк

<div> <div class="detail-picture"> <img src="https://kzn.ru/upload/iblock/0a7/0a73bb8a410f8ed3d4fa9571981f1316.jpg"> <p class="detail-picture__caption"> Денис Гордийко фотосы<br> </p> </div> </div> <div> <p> Бу елны Совет районында урам-юл челтәренә караган 58 объектта төзекләндерү эшләре үткәреләчәк, шуларның 17 се район бистәләрендә урнашкан. Узган ел нәтиҗәләре буенча районда 500 мең квадрат метр юл өслеге яңартылган. Бу хакта аппарат киңәшмәсендә район администрациясе башлыгы Роман Фәтхетдинов хәбәр итте. </p> <p> Совет районы юл хезмәтләре тарафыннан көн саен 6 миллион квадрат метр юлга хезмәт күрсәтелә, шуларның 70 проценты – бистә юллары. Аларны карап тоту белән бергә, район администрациясе даими рәвештә һәм план буенча юлларны төзекләндерә. </p> <p> Быел эшләр урам-юл челтәренең 58 объектында алып барылачак, шуларның 17 се – бистә юллары, дип хәбәр итте чыгыш ясаучы. </p> <p> 2025 ел нәтиҗәләре буенча, Татарстан рәисе һәм шәһәр администрациясе ярдәме белән районда урам-юл челтәренең 68 объекты төзекләндерелгән – бу 500 мең квадрат метр юл өслеге дигән сүз. Роман Фәтхетдинов билгеләп үткәнчә, әлеге объектларның күп өлеше – 138 мең квадрат метр мәйдандагы 42 юл өлеше бистәләрдә урнашкан. </p> <p> Урам-юл челтәре объектларын төзекләндерү эшләре юл өслеген яңарту белән генә чикләнми. Төзекләндерү программасы кысаларында бистәләрдә шулай ук яңа яктырткыч җайланмалар куела. Узган елны 12 торак массивта яңа 598 яктырткыч җайланма урнаштырылган, өстәмә рәвештә 36 урам – 14 чакрым юл яктыртылган. Шулай ук район территориясендә 17 яңа тукталыш пункты барлыкка килгән. </p> </div> <br>

2026-03-16T13:28:30+0300