Сәламәтлек мөмкинлекләре чикле балалар өчен Горки-Әмәт урманына велосипедта йөрү оештырыла

Теләгән һәркем катнаша ала, үзең белән шлем алырга кирәк

Фото: Денис Гордийко

(Казан шәһәре KZN.RU, 4 нче сентябрь). Сәламәтлек үзенчәлекләре булган яшь казанлылар өчен 15 нче сентябрьдә «Бәхет белән ярыш» велосипед заезды оештырыла. Катнашучыларга Горки-Әмәт урманында 380 м дистанцияне узарга туры киләчәк.

Спорт бәйрәменә теркәлү буенча теләге булган һәркем кушыла ала. Велозаездга шлем алып килергә кирәк, дип хәбәр иттеләр «Игелекле Казан»да.

Катнашучыларны 9:30 да көтәчәкләр. Велосипедчылар заезды 10:00 сәгатькә планлаштырылган, ә 30 минуттан соң балалар башка техник чараларда старт алачак.

Чара шәһәрнең Парклар һәм скверлар дирекциясе, «Альпари» хәйрия фонды, «Игелекле Казан» коммерцияле булмаган автоном оешмасы тарафыннан оештырыла.

Шулай ук укыгыз

Барлык вакыйгалар